Cymunedau

Bydd cynhadledd HiAP 2019 yn rhoi cymorth i awdurdodau a gwneuthurwyr penderfyniadau y GIG, gan rannu mewnwelediad ar y ffordd orau o gydgrynhoi tystiolaeth, nodi effeithiau a blaenoriaethu ymyriadau. Bydd yn rhoi nifer o becynnau cymorth ac atebion ymarferol i’r cynadleddwyr i gyd cyn y gynhadledd, fydd o gymorth iddynt gyflwyno camau uniongyrchol tuag at ailgydbwyso’r heriau cymdeithasol ac yn ymwneud ag iechyd niferus y gallant eu hwynebu. Bydd yn canolbwyntio ar drosglwyddo methodoleg arfer gorau er mwyn creu dealltwriaeth gyffredin o iechyd ac anghydraddoldebau iechyd ar draws cynghorau, lleoliadau’r GIG a gofal cymunedol.

Yn dilyn cynllun peilot llwyddiannus yng Nghaerdydd fis Hydref diwethaf, mae Ffermydd a Gerddi Cymdeithasol yn gwahodd prosiectau tyfu cymunedol ar draws Cymru i agor ar 1 Mehefin i ddathlu’r gwaith gwych sydd yn cael ei wneud. P’un ai eich bod yn gysylltiedig â gardd gymunedol, ysgol neu eglwys, rhandir cymunedol neu hyd yn oed planwyr ar ddiwedd eich stryd, byddant wrth eu bodd yn eich cynnwys.

Os ydych yn rheolwr ysgol, yn uwch arweinydd, yn llywodraethwr neu’n ymarferydd (athrawon a rhieni) sydd â diddordeb yn darparu amgylcheddau dysgu ymarferol i wella addysgu a dysgu, cynyddu cyrhaeddiad, gwella presenoldeb a chanolbwyntio, a/neu rhoi cymorth i ddisgyblion gael a llwyddo mewn dyfodol ar y tir (gwyddonydd, milfeddyg, gyrrwr cynaeafydd, a channoedd o swyddi sgiliau isel ac uchel eraill), dyma’r gynhadledd i chi. Bydd y sesiynau yn ymarferol, yn gyfredol, ac yn gyfle i chi ddysgu a chyfrannu ar yr un pryd.